Adı: Çelalay Akul Kıl

Ölkə: Tayland

Keçmiş dini (Məzhəbi): Buddist

 

 

 

Taylandlı mühtədi xanım “Çelalay Akul Kıl” belə deyir:

“Taylanddakı məktəblərdə hicab (baş örtüyü) yox idi və mənim başörtüyüm əvvəlcə məktəb qaydalarına qarşı bir növ üsyan, yaxud rəhbərliyə qarşı inad kimi qiymətləndirilirdi. Lakin mən məktəb rəhbərliyinə hicabın şəriətimizin bir hissəsi olduğunu və məni məktəbdən qovsalar belə, hicabımdan imtina etməyəcəyimi dedim. Nəticədə bəzi məktəb rəhbərlərinin vasitəçiliyi ilə təhsilimə davam etdim.”

Taylandlı xanım ailəsinə və ona təhsil imkanı yaradan valideynlərinə təşəkkür edərək, onların onu dini elmlər sahəsində dəstəkləməsini ailəsi üçün bir cihad kimi dəyərləndirdiyini bildirdi.

Çelalay Akul Kıl həmçinin qeyd etdi ki, hər zaman mədrəsə elmlərini öyrənmək qərarından razı qalıb, gəncliyini İslam elmlərinə həsr edib və nəfs tərbiyəsi, Qurani-Kərim və İslami təlimləri öyrənməyi özü üçün böyük bir sərvət hesab edir.

Xarici dünyada, xüsusilə İran xaricində, mənəviyyat və davranış baxımından yetişmiş insanlara ehtiyac olduğunu vurğulayan Akul Kıl dedi:
“İnsan nə qədər inkişaf edərsə, İslam dünyası üçün bir o qədər faydalı olar.”

Təxminən 30 il əvvəl Taylandda Şii ailələrin sayının çox az olduğunu, bəlkə də 10–15 ailədən artıq olmadığını bildirən xanım, Quma hicrət edib dini təhsil aldıqdan sonra Taylanda qayıtdığını və bu gün Taylandda 60 mindən artıq Şiənin yaşadığını qeyd etdi.

Taylanddakı mövcud vəziyyətlə bağlı sualı cavablandırarkən, Taylandın Cənub-Şərqi Asiyada Malayziya və İndoneziyaya yaxın olduğunu və əhalisinin cəmi təxminən 10 faizinin müsəlman olduğunu bildirdi.

Hazırda Taylandda biri qızlar, biri oğlanlar üçün olmaqla iki mədrəsənin fəaliyyət göstərdiyini, onlarla Hüseyniyyə və Şiə məscidinin mövcud olduğunu deyən Çelalay Akul Kıl, bunun Qumda təhsil alıb ölkələrinə qayıdanların bərəkəti olduğunu vurğuladı.

Ailəsinin Şiə olmasına qarşı əvvəllər etirazların olub-olmaması ilə bağlı suala cavab olaraq Akul Kıl dedi ki, müəyyən müxalifət olub, lakin müqavimət göstərərək yollarına davam ediblər:
“Bu müqavimət çətinlik və müharibə ilə deyil, həyatda sevinc, bu sevinci ətrafımıza və qonşularımıza ötürməklə baş verdi.”

Başörtüyünə bağlı qalmaqla hicablı olduqda daha kamil və canlı olduğumuzu göstərdiklərini və bunun ailələrində bəzi qohumların, xüsusilə də dayısının Şiə olmasına səbəb olduğunu bildirdi.

Əvvəllər uşaq yaşlarında hicabın onun üçün çətin olduğunu, lakin gənclik çağında hicabın fəlsəfəsini öyrəndikdən sonra Allahın hicab vasitəsilə müsəlman qadının kimliyinə və gücünə vurğu etdiyini anladığını söylədi.

Gələcək dünya nizamını müsəlmanlar üçün bir sevinc mənbəyi kimi dəyərləndirən Akul Kıl dedi:
“Siz mədrəsə tələbəsi xanımlar təsirli insanlarsınız və dindarlığınızda nə qədər sevincli olsanız, ailəniz də bir o qədər xoşbəxt olacaq.”

 

(c) al-mostabserin.com