Adı: Klororida Santibanez

Ölkə: Çili

Keçmiş dini (Məzhəbi): Xristian

 

 

Haradansınız və  İslamı nə zaman qəbul etmisiniz?

 

Mənim adım Klororida Santibanezdir və Çilinin paytaxtı Santiyaqodanam. Şəhərin Dar əl-Salam məscidi evimizə yaxındır və mən dəfələrlə bu məsciddən azan eşitmişəm. Məscidə gedən müsəlman qadınların gözəl İslami geyimlərini bəyənirdim. Mən həmçinin onların geyimlərində bir növ toxunulmazlıq gördüm, çünki bu müsəlman qadınların ictimaiyyət daxilində gediş-gəlişlərini daha azad edir.

 

İslamla maraqlandıqdan sonra ilk hərəkətiniz nə oldu?

 

Dinlə bağlı geniş təhlillər etdim. Mən İslam haqqında çox sayda araşdırmalar apardım və belə nəticəyə gəldim ki, İslam onu qəbul edənlərə xoşbəxtlik bəxş edən kamil bir dindir.

 

İmam Rzanın (ə) hərəmini neçə dəfə ziyarət etmisiniz? İlk dəfə ziyarətgahı ziyarət edərkən hansı hissləri keçirdiniz?

 

Bu, mənim İmam Rzanın (ə) hərəmini ziyarət etməkdə ilk təcrübəmdir. İlk dəfə müqəddəs ziyarətgaha daxil olanda məndə çox böyük daxili təkamül baş verdi. Bu, çox mənəvi və gözəl hiss idi. Özümü bütün dünyəvi qayğılardan azad hiss etdiyim üçün heç nə haqqında düşünmürdüm. Çox xoşbəxtəm. Bu mənəvi hissi sözlə ifadə etmək mümkün deyil. Səkkizinci İmamın (ə) hərəmində İslamı qəbul etmək fürsətini mənə verdiyi üçün Allaha şükür edirəm. İstədiyim dua olaraq, Allahdan dinin layiqli davamçısı olmağım üçün İslam prinsiplərini düzgün başa düşməkdə mənə kömək etməsini istədim.

 

Niyə adını “Roz”-a dəyişdin? Və əgər mümkünsə, hər hansı yekun qeydlərin varmı?

 

İslam gözəllik dinidir. Ərəbcə gül mənasını verdiyi üçün Roz (Qızılgül) adlandırılmağa üstünlük verdim. Astan Qüds Rəzəvi rəhbərliyinə və onun Xarici Zəvvarlar üzrə İşlər İdarəsinə bu müqəddəs yerdə İslamı qəbul etmək imkanını mənə yaratdıqları üçün təşəkkür edirəm. Mən Qurani-Kərimin bir nüsxəsi, müsəlman qadınların çox sevimli örtüyü olan örtük (çadra) və ziyarətgahın qoxusu kimi hədiyyələr aldım. Bu hədiyyələri ömrümün sonuna qədər saxlamaq üçün əlimdən gələni edəcəyəm.

 

rahyafteha.ir