BİSMİLLAHİR RƏHMANİR RƏHİM
HƏMD OLSUN ALƏMLƏRİN RƏBBİNƏ
VƏ SALAM OLSUN MÖVLAMIZ MƏHƏMMƏDƏ VƏ ONUN PAK ƏHLİ-BEYTİNƏ
Məlum olduğu üzrə əhli-xilaf yalnız Əhli Beyt (ə)-i sevdiklərini iddia etməklə yetinməməkdə, buna əlavə olaraq özlərinin Əhli Beyt (ə)-ə tabe olduqlarını; özlərinin Əhli Beyt (ə)-in sahib olduğu əqidəyə sahib olduqlarını və əgər Əhli Beyt (ə) bir şeyi əmr etsə onu qəbul edəcəklərini, höccət olaraq görəcəklərini iddia etməkdədirlər. Yaxşı əslində əhli-xilaf əqidəsində bu mövzuda nə deyilməkdədir? Gerçəkdə əhli-xilaf dini Əhli Beyt imamları (ə)-dən hər hansı birinin sözlərini və ya Əhli Beyt (ə)-in haqqında fikir birliyində olduğu bir mövzunu höccət olaraq görürlərmi? İnşəAllah bu yazıda əhli-sünnə alimlərinin bəyanı ilə bu mövzuda məlumat verəcəyik.
Şəkildə gördüyünüz məşhur əhli-sünnə imamlarından Məhəmməd b. Əli əş-Şövqaninin “İrşad əl-Fuhul” adlı üsul kitabıdır, işarələdiyimiz yerdə bu ifadələr var:
وذهب الجمهور أيضا إلى أن إجماع العترة وحدها ليس بحجة ، وقالت الزيدية والإمامية هو حجة ، واستدلوا بقوله تعالى : إنما يريد الله ليذهب عنكم الرجس أهل البيت ويطهركم تطهيرا والخطأ رجس فوجب أن يكونوا مطهرين عنه
Və cumhur Əhli Beytin icmasının höccət olmadığını mənimsəmişdir. Zeydiyyə və imamiyyə isə bunun (Əhli Beytin icmasının) höccət olduğunu söyləyirlər və dəlil olaraq Təthir ayəsini təqdim edirlər: “Ancaq və ancaq Allah, ey Əhli Beyt, sizdən hər növ pisliyi, günahı aradan qaldırmaq və sizi tam bir təmizliklə tərtəmiz bir hala gətirməyi diləyər” (Əhzab surəsi, 33-cü ayə).
Əş-Şövqani, “İrşad əl-Fuhul”, 1/396
Görüldüyü kimi əş-Şövqani açıq şəkildə Əhli Beytin icmasının höccət olmadığını ifadə etməkdədir. Əhli-xilaf digər imamları da bunu açıqca dilə gətirmişdirlər. Məsələn əz-Zərkəşi “Silsilətuz-Zəhəb”, səhifə 370-də; əl-Firuzabadi “Təbsirə fi usulul-fiqh”, səhifə 368-də; Şəmsəddin əl-Məqdisi “Usulul-Fiqh”, səhifə 410-da; əl-Mavərdi “ət-Təcbir şərhut-Təhrir”, 4/1595-də; əl-Amidi “əl-Əhkam fi usulul-əhkam”, səhifə 352-də Əhli Beyt (ə)-in icmasının höccət olmadığını söyləmişdir.
Bu sözlərdən açıq şəkildə göründüyü kimi əhli-xilafın “Əhli Beytin hər sözü bizim üçün əmrdir” və s. kimi sözləri açıqca yalandır. Əhli-xilaf Əhli Beyt imamları (ə)-in hər hansı birindən rəvayət edilmiş bir fikri və ya bütün Əhli Beyt imamları (ə)-in bir mövzudakı fikir birliyini höccət (dəlil) olaraq görməməkdədirlər.
(c) nasibilar.wordpress.com