Sual: Әgәr Allah hәr yerdәdirsә vә mәkana sığmırsa, nә üçün namazda üzümüzü qiblәyә tutmalıyıq?

Cavab: Namazın üzüqiblәyә qılınması o demәk deyil ki, Allahın qiblә istiqamәtindә mәkanı var. Quranda qiblә mәsәlәsi ilә bağlı buyurulur: “Şәrq dә, qәrb dә Allahındır. Hansı tәrәfә üz tutsanız, Allah oradadır...” (“Bәqәrә”, 115)

 Digәr bir ayәdә isә belә buyurulur: “Şәrq dә, qәrb dә Allahındır.” (“Bәqәrә”, 142)

Unutmamalıyıq ki, insan maddi bir varlıq olduğundan üzünü hansısa bir istiqamәtә tutmağa mәcburdur. Әgәr qiblә göstәrişi olmasaydı, tәbii ki, ibadәt zamanı hәrә üzünü bir tәrәfә tutacaqdı. Amma İslamda bu mәsәlә yetәrincә hәll olunmuşdur. Kәbә evi әn qәdim tövhid mәrkәzidir. Bu ev tövhid qәhrәmanı hәzrәt İbrahim tәrәfindәn bәrpa edilmiş vә bütün Peyğәmbәrlәrin diqqәt mәrkәzindә olmuşdur. Bu tövhid mәrkәzinә diqqәt Allaha diqqәtdir. Belә bir mәrkәzә üz tutmuş insan özünü Allah hüzurunda hiss edir.

 

Bundan әlavә, dünya müsәlmanlarının gün әrzindә beş dәfә bu müqәddәs mәrkәzә üz tutması vәhdәt, birlik nişanәsidir. Vahid qiblә İslami birliyә yardım göstәrir vә dünya müsәlmanları eyni bir cәhәtә üz tutmaqla İslamın әzәmәtini nümayişә qoyurlar.

 

Mənbə - "Dini suаllаrа cаvаblаr" kitabı, Аyәtullаh-üzма Мәkаriм Şirаzi Аyәtullаh Cәfәr Sübhаni