Mirzə Hüseyin Əli Nurinin atası Mirzə Abbas, Qacar ailəsinin hakimiyyəti zamanında İran sarayında katib idi. Bəzən qohumlar, bəzən də xüsusi müəllimlərdən ilə ilk təhsilini alırdı. Gəncliyində xüsusi bir sənəti yox idi. Bunun üçün də gəncliyini əyləncə ilə keçirirdi. Bəhailərin, necə ki Babın ümmi olduğu haqqında iddiaları var idisə, eyni şəkildə Mirzə Hüseyin Əli Nurinin də ümmi olduğunu iddia edərək, onun ilahi elmə sahib olduğunu bildirirdilər. Ancaq çox açıq dəlillər, bu iddiaların yalan olmasını göstərir.

Fazil Mazəndarani, Əsrarul Asar kitabı c.1, səh. 193-də: “Babın oxumağı və yazmağı öyrənməsinin qəti olduğunu bildikdən sonra belə deyir:”...və Bəhaullah da Bab kimi az miqdarda oxumağı və yazmağı öyrənirdi. Təkcə yazı baxımından atası kimi gözəl xətti var idi. Ərəbcə təhsili isə yaxşı deyildi.” 

Bunun kimi sənədlərə Bəhai kitablarında çox rast gəlmək olar. Mirzə Hüseyin Əli, bəhailərin öz kitablarında yazdığı kimi məktəbə getmişdir, ancaq ərəbcə öyrənməmişdir. Bunların hamısı onu göstərir ki, Bəhaullah nə ümmidir nə peyğəmbər nə də peyğəmbərliyə layiq biri idi!

Bab iddiasına başladığı zaman Mirzə Hüseyin Əli Nuri, ona ilk tabe olanların sırasında idı. Mirzə Hüseyin Əli, babi olduqdan çox keçmədən, bir çox hadisələrin reallaşmasında baş rolda oldu. Bunlarda biri “Bədəşt hadisəsidir”. Ancaq Mirzənin həyatındakı ən mühüm rolu İran şahı Nəsirəddin şaha sui-qəsdən sonrakı hadisələr tutur. Nəticəsiz olan bu sui-qəsdən sonra, İranın dövlət məmurları, Bəhaullahı tutub cəzalandırmaq istədikləri vaxt Bəhaullahın ruslar ilə gizli əlaqəsi ortaya çıxdı. Belə ki, tutulacağını bilən Mirzə Hüseyin Əli, qaçaraq rus səfirliyinə sığındı. Hər nə qədər bəhailər, Mizrə Hüseyin Əlinin əli olduğu sui-qəsd hadisəsini tarix kitablarından silməyə çalışsalar da, bacarmadılar. Bu hadisə bir çox Bəhai kitablarında qeyd olunmuşdur:

Bədii ktabı, c.2, səh.33: “Sultan Nəsirəddin Şah, bu hadisənin reallaşmasına çox təəccübləndi. Bu hadisəyə müdaxiləsi olmaqla təqsirləndirilən o müqəddəs vücudun (Bəhaullah) həbs olunması üçün xüsusi məmurları Rus səfirliyinə göndərdi. Ancaq Rus səfirliyi, Bəhaullahı İran hökuməti mənsublarına təslim etməkdən çəkindi və ondan Sədr Əzəmin (böyük sədr) evinə getməsini xahiş etdi. Eyni zamanda rəsmi olaraq Rus dövlətinin dəyərli əmanətinin qorunmasını istəyərək Sədri Əzəmə məktub yazdı və öz istəyini belə elan etdi: “Bəhaullaha mənim tərəfimdən yaxşı baxıb, onu bir əmanət olaraq mühafizə edəcəksən və əgər Bəhaullaha bir zərər gələrsə, Rus səfirliyinə qarşı məsuliyyət daşıyırsan.” (Nəbil tarixi, kitabı səh.648)

Qərni-Bədii kitabı c. Səh 82-83: “Bəhaullah, Tehran həbsxanasına göndərilib və orada məhbus oldu. Məhbusluq müddəti 4 ay çəkdi.... Digər tərəfdən də Dalqurki, bütün imkanlarından istifadə edərək Bəhaullahın azadlığı üçün vasitəçilik etdi.”

Nəbil tarixi kitabı, səh.674: “Rus səfirliyi, Bəhaullahdan Rusiyaya getməsini xahiş etdi. O (səfir) Çar dövlətinin Bəhaullaha yaxşı baxacağına söz verdi.” 

Necə olur ki, Bəhaullahın, Rus dövləti üçün səlahiyyət və rütbəsi olmadan Rus səfirinin məktubunda ondan Rus dövlətinin dəyərli və qiymətli birisi olaraq bəhs edilir? Məlumdur ki, rusların tərəfkeşliyi, ancaq işğalçı Çar hökumətinin cəsusları və gizli məmurları haqqında belə edilir.

Daha da təəccüblüsü budur ki, bir neçə il sonra Mirzə Hüseyin Əli, Rus dövlətinin köməyi haqqında Bədii kitabında belə yazmışdır (c.2, səh.87): “Uca Rus dövlətinin İmperator həzrətləri-Allah taalanın hörməti ona olsun! Öz himayələrini Allah yolunda mənim üçün əsirgəməmişdi.”

Kitabda bəhs edilən Allah yolunda qorumanın nə olduğu mövzusunda bilgi verilməmişdir. Ancaq niyə bu qoruma, Mirzə Hüseyin Əli üçün edilmişdir və digər bəhailər bu qorunmadan məhrum qalıblar?

İran dövləti, Mirzə Hüseyin Əlini, Osmanlı höküməti ilə razılığa gələrək (Osmanlı dövləti çərçivəsində) sürgün etməyi qərarlaşdılar. Bağdad, İstanbul, Ədirnə və Əkkaya (Hayfa) göndərildi və ömrünün son gününə qədər Əkkada qaldı.

Mirzə Hüseyin Əli, özü üçün çoxlu məqamlar icad edərək, rast gəldiyi hər şəxsə görə bu ünvanlardan birini istifadə edərdi. O özünü Haqq Rəsulu kimi tanıdmasına (Bəhaullah, İqtidarat kitabı səh.54) baxmayaraq, eyni zaman müddəti ərəfəsində həm özü və həm müridləri onun tanrılıq mərtəbəsində olduğuna inanmışlar.

Bunun sübutları:

İşraq Xavəri: “Əyyami-tisaa (doqquz günlər)” kitabı səh.50-də Bəhaullahın, doğum gecəsinə aid lövhündən (Bəhaullahın əl yazısından)

“...bəh bəh bu sabahın gözəlliyindən.... (niyə?). Çünki ləm yəlid və ləm yuləd (doğmayan və doğulmayan) dünyaya gəlmişdir!” Bəhaullah, İxlas surəsindəki sifəti özü üçün istifadə edir.

Məşhur bəhai şairi Əndəlib öz şerində bu barədə belə demişdir:

Aşiqlərə min müjdə verin bayramı sabahı gəldi, ləm yəlid olan şəxs dünyaya gəldi.

Əlvahi Nazilə kitabının səh.115: Dünya şahlarına və rəislərinə müraciət: Bəhaullahın Akka qalasındakı yazılarından:

ان الذی خلق العالم لنفسه قد حبس فی اخرب الدیار بما اکتسبت ایدی الظالمین

“Şübhəsiz dünyanı özü üçün yaradan şəxs, zalımların etdikləri zülmündən ən xarab və viran olan zindanda məhbus qalmışdır.” Əqdəs kitabı səh.6

اذا اردتم الصلوه ولوا وجوهکم شطری الاقددس

“Namaz qılmaq istədiyiniz zaman mənim müqəddəs üzümə tərəf durun”. Bəhailər namaz qıldıqlarında Hayfaya dönərək onun qəbrinə tərəf istiqamətlənirlər.

 Bəhailər, inanc dərsləri kitabında (Durusul Diyanə kitbaı, Molla Əli Qaini, 19-cu dərs) belə gəlmişdir: “Biz bəhailərin qibləsi, Əkka şəhərindəki Rəvzəi Mübarəkdir. Biz namaz qılarkən Rəvzəi Mübarəkə doğru durmalı və qəlbimiz Cəmal və Əbha mələkutuna diqqət etməliyik. Qəlbimizlə Cəmal və İsmi Əzəmə tərəf istiqamətlənməliyik (Bəhaullahın qəbri). Çünki bizim dualarımızı ondan başqa bir eşidən və ondan başqa cavab verən yoxdur”.

Bəhaullah, Mübin kitabında səh. 229-də belə yazmışdır: “Məndən başqa zindanda olan bir Allah yoxdur!”

Başqa bir kitabda Bəhaullah belə yazmışdır: “Bütün tanrılar ancaq mənim əmrimlə Allah oldular” (Məkatib kitabı, c.2 səh. 255)

Mirzə Hüseyin Əli, vəziyəti gərgin gördüyü zaman iddiasından dönər və özünü müsəlman göstərirdi. (Bədii kitabı c.2 səh.142)

Mirzə Hüseyin Əli, ölümündən əvvəl böyük oğlu Abbas Əfəndini (Əbdülbəha), sonra Abbasın qardaşı Məhəmməd Əli Əfəndini bəhailərin lideri olaraq təyin etdi. (Məcmueyi Əlvah kitabı, səh. 402, Bəhaullah)

Mirzə Hüseyin Əli, həyatının son günlərində qızdırma xəstəliyinə tutuldu. Hicri 1309-cu ildə öldü və onu indiki İsrail torpaqları içərisində qalan Fələstinin Əkka (Hayfa ) şəhərində basdırdılar. Onun məzarı bəhailərin qibləsidir.

 

(c) vedolunmus.com