İranın hərbi mənbələri, eləcə də HƏMAS ölkəyə məxsus gəminin İsrail tərəfindən saxlanılması ilə bağlı xəbəri təkzib edib.

İslam.az-ın SalamNews-a istinadən verdiyi xəbərə görə, İsrail tərəfinin bu iddiasını yalanlayan İran xarici işlər nazirinin Afrika və ərəb hövzəsi üzrə müavini Əmir Abdullahiyan bunun sionist rejiminin ənənəvi ittihamlarından olduğunu və həqiqətə uyğun olmadığını bildirib.

Xatırladaq ki, ötən gün İsrail ordusu, guya, İrana məxsus və göyərtəsində silah daşıyan gəminin Qırmızı dənizdən Qəzzaya tərəf hərəkətdə olduğunu və həmin gəmini saxladığını iddia edib.