Milli.Az "Reuters"ə istinadən xəbər verir ki, hökumət əleyhinə nümayiş keçirən kütlə təhlükəsizlik qüvvələri tərəfindən atəşə tutulub. Nəticədə ən azı 2 nəfər həlak olub, 10-dan artıq yaralı var.
Nümayişçilər insanlara daha geniş hüquqların verilməsini tələb edib, hökmət əleyhinə şüarlar səsləndiriblər. Daha sonra kütlə seçki komissiyasının binasına hücum edərək onu ələ keçirməyə çalışıb. Atəş də bu zaman açılıb.

Xatırladaq ki, Yəməndə uzun sürən nümayişlər sonda prezident Salehin istefası ilə nəticələnib. O, səlahiyyətlərini vitse-prezidentə versə də, hələ də Yəmənin ən nüfuzlu şəxslərindən biri olaraq qalır və fəxri prezident statusu daşıyır.