İraqın paytaxtı Bağdadda baş verən güclü qum qasırğası bütün şəhəri cənginə alıb və hər yeri toz basıb.
Təbiət hadisəsi bütün sakinlərin, o cümlədən də yaşlıların tənəffüs sisteminə pis təsir edib. Buna görə iraqlılar üzlərini xüsusi maskalar, paltar və yaxud şərflə örtməyə məcbur olublar. Kəskin hava şəraiti ilə əlaqədar Bağdadın hava limanında beynəlxalq reyslər qeyri-müəyyən müddətə təxirə salınıb.
Qeyd edək ki, qum qasırğaları İraq paytaxtında mütəmadi baş verir, bu dəfəki hadisəni yerli əhali son illər müşahidə olunan ən güclü tufan kimi qiymətləndirib.
/ANS TV/