İslam-Azeri.az İnternet Qəzetinin Anadolu Ajans-a istinadlı xəbərinə görə, ABŞ sabiq prezidenti Corc Buşun İraqa səfəri zaman təşkil olunan konfransda Buşa ayaqqabı atan İraqlı jurnalist Muntəzər Əl-Zeydi sentyabr ayında azadlığa buraxılacaq.

Jurnalistin 14 dekabr 2008-ci ildə etdiyi hərəkətə görə 12 Mart 2009-cu ildə 3 il azadlıqdan məhrum edilmişdi. Lakin işin appelyasiya məhkəməsinə verilməsindən sonra bir ilə endirilmişdi.


İraq Konstitusiyasına əsasən, məhkum həbs müddətinin 4-də 3-ünü həbsxanada yaxşlı halda keçirdiyi təqdirdə vaxtından tez azadlığa buraxılması mümkündür.


Jurnalist Muntəzir Əl-Zeydinin vəkili, bu qanunla yenidən məhkəməyə müraciət edib. Məhkəmənin qərarına əsasən Muntəzir Əl Zeydinin həbs müddəti qısaldılaraq sentyabr ayında bitəcək..


Nəzərinizə çatdıraq ki, Corc Buşa atılan ayaqqabının qiyməti 14 milyon ABŞ dollardır.

islam-azeri.az