İsrail təyyarələri HƏMAS-ın iqamətgahını bombalayıb

İsrail Hərbi Hava Qüvvələri bu gün səhər Fələstin muxtariyyətinin baş naziri, HƏMAS lideri İsmayıl Haniyənin Qəzza sektorundakı administrasiya binasını bombalayıb

APA-nın “Agence France-Presse”yə istinadən xəbərinə görə, bina tamamilə dağıdılıb. Ətrafdakı evlərə ciddi ziyan dəyib. Ölən və yaralananlar barədə məlumat verilmir.

İsrail Müdafiə Nazirliyi faktı təsdiqləyərək bildirib ki, bu gecə Qəzza sektorunda ümumilikdə 85 hədəfə raket zərbələri endirilib.

HƏMAS-ın mətbuat xidməti isə İsmayıl Haniyənin iqamətgahına dörd raket atıldığını açıqlayıb: “Hökumət fəaliyyətini davam etdirir və öz xalqı ilədir”.

Qeyd edək ki, noyabrın 16-da İsrailin Qəzza sektorunda hərbi əməliyyatları bərpa etməsindən sonra 30 fələstinli həlak olub. HƏMAS-ın İsrail ərazisinə buraxdığı raketlər isə 3 israilli hərbçinin həyatına son qoyub.

В этом разделе