İsrail əl-Əqsa məscidinə giriş-çıxışı sərbəst buraxıb

10 gündən çoxdur ki, İsrail əsgərlərinin nəzarətində olan əl-Əqsa məscidinə giriş-çıxışa icazə verilib. Belə ki, günorta namazından sonra əl-Əqsa məscidinin qapılarında dayanan təhlükəsizlik qüvvələrinin böyük bir hissəsinin geri çəkildiyi xəbər verilir. Məscidin ətrafındakı “Mərakeşlilər qapısı” adlanan qapıdan başqa bütün keçidlərin açıldığını bildirən rəsmilər, uzun müddətdir ki, yaşı 50-dən az olan kişilərin məscidə buraxılmaması qadağasının da aradan qaldırıldığını deyiblər. Qüds şəhəri üzrə Təhlükəsizlik İdarəsinin müdiri Ahoran Franko günorta namazının qarşıdurmasız başa çatacağı təqdirdə vəziyyətin normallaşacağı mesajını vermişdi.

Məlumat üçün qeyd edək ki, əl-Əqsa məscidi ətrafında məscidə 11 giriş qapısı açılır. Bunlardan 10-nun giriş üçün açıldığı bildirilib. “Qızıl qapı” və “Mərhəmət qapısı” Səlahəddin Eyyubi dövründən etibarən bağlı saxlanılır.Yəhudilərin ibadət yeri olan “Ağlama divarı” tərəfindəki “Mərakeşlilər qapısı” isə yəhudi ziyarətçilər və turistlər üçün istifadə edilir.

/timeturk/

/AzeriMuslims/

В этом разделе