İraqda yanvar ayında keçiriləcək seçkilərdən qabaq parlamentdə səsə qoyulan seçki məcəlləsi təsdiq edilməyib. Məcəllənin parlamentin təsdiqindən keçməməsinə səbəb millət vəkilləri arasında yaranan “Kərkük” məsələsidir. Prezident Cəlal Təlabaninin, Baş nazir Nuri əl-Maliki və parlamentin spikeri İyad əs-Səmarayın məcəllə haqqında ortaq razılığa gəlməsinə baxmayaraq, ərəb və kürd millət vəkilləri arasında olan fikir ayrılığı layihənin təsdiq olunmasını ləngidir. Siyasi ekspertlərin fikrincə, hadisələrin bu istiqamətdə inkişaf edəcəyi təqdirdə seçkilərin təxirə salınması məsələsi də gündəmə gələ bilər. ABŞ administrasiyası və BMT isə bu həftənin sonuna qədər məcəllənin parlamentdə təsdiq olunması üçün hökumətə təzyiq göstərir.

İraq mətbuatının yazdığına görə, “Kərkük” böhranı şəhərin demoqrafik quruluşu ilə bağlıdır. Belə ki, iraqlı kürdlər Səddam Hüseyn dövründə Kərkükdə məskunlaşan ərəblərin, ərəb və türkmənlər isə ABŞ işğalından sonra şəhərdə yerləşdirilən kürdlərin seçkilərdə səs verməsinə qarşı çıxırlar.

/dunyabulteni/

/AzeriMuslims/