FaktXəbər-in Misirdə dərc olunan "Ən-Nəhar" qəzetinə istinadən verdiyi məlumata görə, Suriyada 3 ildən çoxdur davam edən silahlı qarşıdurmalar minlərlə insanın həyatına son qoyduğu kimi, eyni zamanda yüzlərlə qadının da istismara məruz qalmasına səbəb olub.

Belə hallardan biri də Səudiyyə Ərəbistanı vətəndaşı olan Aişə Əl-Bəkrinin başına gəlib.

15 yaşlı səudiyyəli qız Məhəmməd Əl-Ərifi adlı vəhhabi aliminin "Cihad nikahı" fətvasını əsas götürərək Suriyaya yollanıb. 3 ay bundan öncə Suriyaya gedən səudiyyəli qız bədənini mücahidlərə təklif etməklə Suriyadakı cihadda aktiv iştirak etmək qərarına gəlib.

Ölkəsinə qayıdarkən Livanın paytaxtı Beyrut şəhərindəki hava limanında jurnalistlərə açıqlama verən Aişə Əl-Bəkri bildirib ki, 3 ay müddətində xeyli sayda mücahidlə cinsi əlaqədə olub. Bunlar əsasən İraq, Əlcəzair, Somali, Pakistan və Efiopiyadan olan muzdlu döyüşçülərdir. Səudiyyə Ərəbistanına qayıdarkən hamilə olduğunu söyləyən 15 yaşlı qız, gələcək övladının atasının kimliyini dəqiq bilmədiyini söyləyib.

Məlumat üçün bildirək ki, vəhhabi müftilərin verdiyi "Cihad Nikahı" fətvasından sonra Ərəb ölkələrindən çox sayda qadının Suriyada döyüşən müxaliflərin cinsi ehtiyaclarını aradan qaldırmaq üçün Suriyaya getdikləri xəbərləri yayılmaqdadır. Xüsusilə  "Əl Nusra" terrorist qrupunda döyüşənlərin cinsi ehtiyaclarını aradan qaldırmaq üçün bir çox ölkədən qadınların Suriyaya gəldiyi ifadə edilir.

{img1}