İngiltərənin Xarici İşlər naziri David Miliband İsrailin İordan çayının qərb sahilində yəhudi yaşayış məskənlərinin inşasına davam etməsinin tərəflər arasında sülhün əldə olunmasına əngəl törətdiyini deyib.
İordaniyaya səfər edən Miliband Əmmanda kral Abdullah və ABŞ-ın Yaxın Şərq üzrə xüsusi nümayəndəsi Corc Miçel ilə görüşüb. Görüşlərdən sonra mətbuat konfransı keçirən Miliband regionda hər iki tərəfi qane edəcək, həll yolunun tapılmasının vacibliyini vurğulayıb. Miliband Fələstin və İsrail tərəfinin əvvəlcə təhlükəsizlik və sosial ədalət problemini həll etməli olduğunu bildirərək, bu sahədə irəliləyişin əldə olunmasından sonra yaşayış məskənləri ilə bağlı problemin həllinin mümkün olacağını qeyd edib.
/dunyabulteni/
/AzeriMuslims/