İslam-Azeri.az internet qəzetinin verdiyi məlumata görə bu gün "Təzə Pir" məscidində cümə namazı qılınıb.
İlk dəfə bu məsciddə qılınan cümə namazının hər cümə qılınacağı nəzərdə tutulur.
Məsciddə eyni zamanda minlərlə insanın ibadət etməsi mümkün olacaq.
Bununla bağlı mətbuata açıqlama verən Qafqaz Müsəlmanları İdarəsinin sədri Allahşükür Paşazadə: "Bu gündən etibarən məsciddə cümə namazı qılınacaq və bu gözəl ənənə hər həftə davam edəcək"-deyib.
Bu məsciddə qılınan namazın müsəlmanların vəhdətinə xidmət edəcəyini önə çəkən Qafqaz Müsəlmanları İdarəsinin sədri :"Hər bir müsəlman gəlib burada rahat ibadət edə bilər. Bu məsciddə qılınan Cümə namazı müsəlmanların birliyinə xidmət etməsi iə yanaşı, aradakı nifaqın götürülməsinə imkan yaradacaq”-deyib.