Belə ki, ölkədəki qəzetlərin birində dərc edilən xəbərdə Qətər və Birləşmiş Ərəb Əmirliklərinin maddi dəstəyi ilə paytaxt Düşəmbədə 150 min nəfərin ibadət edə biləcəyi məscidin inşa ediləcəyi bildirlib. Tacikistanın Dövlət Nazirliyinin bir əməkdaşının verdiyi açıqlamada bu ilin oktyabr ayında inşası başlanacaq məscidin 2014-cü ildə başa çatacağı məlum olub. 7,5 hektarlıq bir ərazidə inşa ediləcəyi bildirilən məscidin Tacik memarlıq sənət incilərinə uyğun olacağı haqda məlumat verilib. Yeddi böyük sütuna malik olacaq məscidin böyük bir minarəsinin də tikiləcəyini deyən dövlət rəsmisi məscidin təkcə namaz qılmaq üçün deyil, habelə, təlim-tədris mərkəzi kimi fəaliyyət göstərəcəyini sözlərinə əlavə edib.
/dunyabulteni/
/AzeriMuslims/