Büronun açıqlamasında bildirilib ki, qətnamə layihəsi Adam Şiff, demokrat millət vəkili Frank Pallone, respublikaçı millət vəkilləri Corc Radanoviç və Mark Kirk tərəfindən hazırlanıb. Qətnamə bu vaxta qədər iki partiyadan ümumilikdə 77 millət vəkilinin dəstəyini qazanıb və ABŞ prezidenti Barak Obamanı, eləcədə Amerika dövlətini 1915-ci il hadisələrini «soyqrım» kimi tanımağa çağırır.
Qanun layihəsinin qəbulu üçün Nümaynədələr Palatasının xarici işlər komitəsinin gündəliyinə çıxarılması, orada qəbulu, daha sonra isə Nümayəndələr Palatasının Baş Komitəsinin gündəminə çıxarılması və qəbulu vacibdir. Ancaq bu qətanmə qəbul edilsə də, tövsiyə xarakteri daşıyır. Belə ki, prezident Obama və Amerika dövlətinin bu tövsiyəyə riayət etməsi vacib deyil.
Qeyd edək ki, qətnamə layihəsi 2007-ci ildə gündəmə gəlmişdi. Qətnamə layihəsi Nümayəndələr Palatasının Xarici İşlər Komitəsində qəbul edilsə də, o vaxtkı prezident Corc Buş hökümətinin səyləri nəticəsində Nümayəndələr Palatasının ümumi yığıncağında gündəmə çıxarılmamışdı. Ötən ilin noyabr ayında keçirilən seçkidə Konqresin tərkibi yeniləndiyindən həmin qətnamə hüquqi əsasını itirib. Yeni qətnamə də onun yerinə hazırlanıb və Nümayəndələr Palatasına təqdim edilib.
Xatırladaq ki, qətnaməni hazırlayan 4 millət vəkili keçən həftə Barak Obamaya məktub yazaraq, ondan seçki qabağı kampaniya zamanı qondarma «soyqrım»ı tanıyacağı barədə verdiyi sözü tutmağa çağırmışdılar.