Allahşükür Paşazadə: “Həcc ziyarətində olan azərbaycanlı zəvvarların hələlik “donuz qripi”nə yoluxma təhlükəsi yoxdur”

Bunu Qafqaz Müsəlmanları İdarəsinin sədri, Şeyxülislam Allahşükür Paşazadə deyib. “Azərbaycandan müqəddəs Həcc ziyarətinə getmiş zəvvarların hələlik A/H1N1 virusuna (“donuz qripi”) yoluxma təhlükəsi yoxdur”. APA-nın xəbərinə görə, bunu Qafqaz Müsəlmanları İdarəsinin sədri, Şeyxülislam Allahşükür Paşazadə deyib. Şeyxülislam bildirib ki, onlar Həcc ziyarətində olan zəvvarlarla hər gün əlaqə saxlayırlar: “Bəlanı insanlar yox Allah-təala verir. Bu bizim əlimizdə olan iş deyil. Biz əlimizdən gələni edirik ki, hər şey yaxşı olsun. İnanıram ki, Həcc ziyarəti uğurla başa çatacaq”.

Qeyd edək ki, Azərbaycandan Həcc ziyarətinə 2000 zəvvar gedib. 

В этом разделе