Hürriyet qəzeti: Qəzet "Şəhidlər məscid"-nin bağlanması xəbərini belə verir. "Türkiyə-Ermənistan əlaqələri ilə söz-söhbət getdiyi bir vaxta Bakıdan anlaşılmaz cavab gəldi. Bakıda Türk məscidi kimi tanınan came təmir səbəbi ilə bağlanıb. Ancaq ekspertlər təmirin bir bəhanə olduğunu düşünürlər. Türkiyənin Xarici işlər nazirliyi isə camenin açılması üçün hərəkətə keçib".
Məsələyə Türkiyənin baş naziri Rəcəb Təyyib Ərdoğan da münasibət bildirib. "Azəri qardaşlarımızdan gözləmədiyimiz bir rəftar gördük. Din siyasət üçün alət olmamalıdır. Biz başda Azərbaycan olmaqla bölgədəki gərginliyin tez bir zamanda aradan getməsi üçün çalışırıq". "Dəyərlər"