Bu gün əziz İslam peyğəmbəri (sallallahu aleyhi və alihi və səlləm) dünyasını dəyişib
Hicri təqvimlə səfər ayının 28-i İslam peyğəmbəri Həzrət Məhəmmədin (s) vəfat günüdür. Həzrət Peyğəmbər (s) hicrətin 11-ci ilində (miladi 632-ci ildə) 63 yaşında Allahın rəhmətinə qovuşub.
Həmçinin hicrətin 50-ci ilində 48 yaşında ikən bu gün Peyğəmbərin (s) əziz nəvəsi müsəlmanların 2-ci imamı Həzrət Həsən ibn Əli (ə) şəhadətə çatmışdır. İmam Həsən (ə) İslam dövlətinin son xəlifəsi kimi tarixə düşüb. Ondan sonra artıq İslam dövləti tayfa hakmiyyəti ilə əvəz edilib. İmam Həsən (ə) Muaviyənin (l) sifarişi ilə xanımı tərəfindən zəhərlənib.
Bu kədərli gün münasibətilə bütün müsəlmanlara baş sağlığı veririk!