Dünya xəbərləri! Analitik-informasiya portalı | Xəbərlər | Yaxın şərq | Livanda Hizbullah hərəkatına 10 nazir postu veriləcək

8 Ноября, 2009 01:30

Yaxın şərq » Livanda Hizbullah hərəkatına 10 nazir postu veriləcək

Milli birlik hökumətinin yaradılması istiqamətində davam edən danışıqların yekunlaşmaqda olduğu bildirilir.Livan mətbuatının yazdığına görə, ötən seçkilərdə daha çox səs toplayan Səid Həriri kabinetin formalaşdırılması məsələsində müxalifətdə olan Həsən Nəsrullahla razılıq əldə edib. Ölkədə hökumətin formalaşdırılması üçün təxminən beş aydır ki, davam edən müzakirələrdən sonra Hizbullah hərəkatının 10 nazir postuna sahib olacağı bildirilir.

Mətbuata dərc olunan xəbərlərdə Livan parlamentinin sədri Nəbih Bərri, Milli Azadlıq Hərəkatının lideri Mişel Övn, Hizbullahın Baş katibi Həsən Nəsrullah və aparıcı siyasətçilərin iştirakı ilə 4 saat davam edən toplantıda razılığın əldə olunduğu qeyd edilib. Otuz nazirlikdən ibarət yeni kabinetdə Sid Həriri tərəfdarlarının 15, H.Nəsrullahın başçılıq etdiyi müxalifətin isə 10 nazir postuna sahib olacağı bildirilir.

Həmçinin, xəbərdə ölkənin Daxili İşlər və Müdafiə nazirliklərinə rəhbərlik edəcək şəxslərin prezident Mişel Süleyman tərəfindən təyin olunacağı iddia edilir.

/ihlas/

/AzeriMuslims/