Səudiyyə Ərəbistanı Aviasiya Xidməti Mədinə aeroportunu beynəlxalq standartlara cavab verən vəziyyətə gətirmək və aeroportda genişləndirmə işləri aparmaq məqsədi ilə Beynəlxalq Maliyyə şirkəti ilə müqavilə imzalayıb, - İslam.ru xəbər verir.
Layihənin ilk mərhələsində zəvvarlar üçün geniş salonların tikilməsi, qalxıb-enmə zolaqlarının moderinləşdirilməsi və aeroportun infrastrukturunun yenilənməsi nəzərdə tutulur. “Biz Həcc və Ümrə ziyarətini yerinə yetirmək üçün gələn zəvvarlara xidmət göstərəcək bir sıra geniş, yeni zallar inşa edəcəyik. Hazırda qalxıb-enmə zolaqları beynəlxalq standartlara cavab vermir və buna görə də bu zolaqlara yeni təyyarələri buraxmaq mümkün olmur. Bu məqsədlə onların genişləndirilməsi və moderinləşdirilməsini nəzərdə tutmuşuq”, - deyə Krallığın Aviasiya xidmətindən bildirilir. "Dəyərlər"