Əli əl Laminin avtomobili gülləbaran edilib

İraqın paytaxtı Bağdadda nfuzlu şiə siyasətçi, “Bəəs” əleyhinə komissiyanın başçısı Əli əl Lami qətlə yetirilib. Məlumata görə, naməlum şəxslər Bağdadın qərbində onun olduğu avtomobili gülləbaran ediblər. Siyasətçi ilə bərabər sürücü də həlak olub-ANS PRESS "Azadlıq" radiosuna istinadən xəbər verir.

Əli əl-Laminin başçılıq etdiyi komissiya “Bəəs” partiyasının keçmiş funksionerlərinin siyasi həyatda iştirakına qoyulmuş qadağaya nəzarətlə məşğul olub. “Bəəs”ə vaxtilə devrilmiş diktator Səddam Hüseyn liderlik edib. Bir sıra sünni siyasətçilər Əli əl Lamini İranla əlaqələrdə ittiham edirdilər.