dini dwkan
RUS   |    AZE

Silah

İran 5 il əvvəl ələ keçirdiyi PUA-nın eynisini istehsal etdi

İranın bu ayın 1-i tanıtdığı həssas idarə olunan raketlər daşıyan "Saegheh" adlı pilotsuz uçan aparatı (PUA), 2011-ci ildə ələ keçirdikləri ABŞ-a aid RQ-170 Thunderbolt adlı PUA-ya oxşarlığı ilə diqqət çəkdi.

313news xəbər verir ki, İran İnqilab Keşikçiləri tərəfindən mediada yayımlanan fotoşəkildə, İnqilab Keşikçilərinin istehsal etdiyi yeni PUA-nın beş il əvvəl ələ keçirilən Amerikaya məxsus hava maşınına bənzədiyi diqqəti çəkib.

Tasnim xəbər agentliyinin xəbərinə görə, "Saegheh" (ing. Thunderbolt, az. İldırım) RQ-170-ə bənzəyir. İranın dövlət kanalı Press TV isə uzun mənzilli maşının dörd ədəd həssas idarə olunan raket ilə təchiz olunduğunu söylədi. Hər iki xəbərdə də maşının mənzilindən danışılmır.

Dövlət xəbər agentliyi IRNA-nın xəbərinə görə, İnqilab Keşikçiləri generalı Əmir Əli Hacızadə, "Bu uzun mənzilli PUA, daşıdığı həssas idarə olunan raketlərlə dörd ayrı hədəfi yüksək dəqiqliklə vura bilir" - deyə bildirdi.

İran, iddiaya görə, MKİ tərəfindən istifadə edilən RQ-170 adlı PUA-nı 2011-ci ildə salmış, üç ədəd də Scaneagle adlı Amerika hava maşınını ələ keçirmişdi. Ötən il İran rəsmilərinin açıqlamalarına görə, RQ-170-in oxşarı çıxarılan PUA-nın testləri uğurla başa çatmışdır. Şənbə günü Tasnim tərəfindən nəşr edilən fotoşəkilin İnqilab Keşikçiləri tərəfindən yaxın zamanda ələ keçirilən Amerika istehsalı MQ-1C hava maşını olduğu söylənib, ancaq maşının nə vaxt və necə ələ keçirildiyi ilə bağlı məlumat verilməyib.

4 Oktyabr, 2016  21:02 Baxılıb: 609 Çap

Bu bölmədə


Bizi izləyin!
Xəbər lenti

4 Dekabr, 2016  17:40





8 Oktyabr, 2016  19:40



4 Oktyabr, 2016  20:49






24 Sentyabr, 2016  19:54