dini dwkan
RUS   |    AZE

İranın Şərqi Azərbaycan vilayətində baş verən zəlzələ nəticəsində xəsarət alanların sayı 57 nəfərə çatıb

İranın Şərqi Azərbaycan vilayətində 5.1 bal gücündə bu gün baş verən zəlzələ nəticəsində xəsarət alanların sayı 57 nəfərə çatıb

APA-nın məlumatına görə, bu barədə Şərqi Azərbaycan vilayətinin Fövqalədə Hallar Komissiyasının nümayəndəsi Xəlil Sai açıqlama verib. O bildirib ki, təbii fəlakət nəticəsində ölən olmayıb: “Zəlzələ bu gün saat 09:56-da qeydə alınıb. Lakin axşam saatlarınadək gün ərzində 40-dan çox yeraltı təkan qeydə alınıb. Zərərçəkənlərdən 3 nəfəri məktəbli olub. 22 nəfər yüngül xəsarət alıb və Vərzigan şəhərinin tibb mərkəzində ilk yardım alandan sonra evə buraxılıb. Qolunda və ayağında sınıq olanlar isə Təbriz xəstəxanasına göndərilib. Zərərçəkənlər daha çox əsəb xəstəliyindən və depressiyadan şikayət ediblər”.

Şərqi Azərbaycanda yaşayan soydaşlarımızdan APA-ya daxil olan məlumata görə, təkrar baş verən zəlzələ onsuz da ağır şəraitdə çadırlarda yaşayan əhalinin vəziyyətini daha da pisləşdirib. İnsanların öz gücünə təmir etdiyi evlər yenidən uçub. Dağlıq bölgə olduğu üçün payızı və qışı çox sərt keçən Vərziganda soyuqdan qorunmaq üçün çadırlar yetərli deyil. Qidaya, içməli suya və istiliyə ehtiyacı olan zərərçəkənlər arasında qan təzyiqi və əsəb xəstəliyi artıb.

Qeyd edək ki, episentri Vərzigan şəhəri olan zəlzələ Əhərdə, Təbrizdə, Ərdəbildə və Meşkinşəhrdə (Xiyov) də hiss edilib.

8 Noyabr, 2012  03:58 Baxılıb: 874 Çap

Bu bölmədə


Bizi izləyin!
Xəbər lenti

4 Dekabr, 2016  17:40





8 Oktyabr, 2016  19:40



4 Oktyabr, 2016  20:49






24 Sentyabr, 2016  19:54