dini dwkan
RUS   |    AZE

Hacı İlqar İbrahimoğlu Ayətullah Xameneyinin nümayəndəsi ilə görüşüb

DEVAMM sədri Əli Əkbər Vilayəti ilə görüşüb

DEVAMM sədri, ilahiyyatçı-filosof Hacı İlqar İbrahimoğlu İranın ali dini lideri Ayətullahul-uzma Seyyid Əli Xameneyinin beynəlxalq məsələlər üzrə baş müşaviri Əli Əkbər Vilayəti ilə görüşüb. Bu barədə "deyerler" “Fars” informasiya agentliyinə istinadən məlumat yayıb. Görüş zamanı Əli Əkbər Vilayəti İran və Azərbaycan arasında böyük ortaq maraqların olmasına, bütün kənar səylərə rəğmən, dərin əlaqələrin mövcudluğuna diqqət çəkib.
“Kənar ölkələrin Azərbaycana etdikləri təzyiqlərə baxmayaraq, İranla Azərbaycanın münasibətləri dəyişməz mehriban olaraq qalacaqdır” – deyə doktor Vilayəti vurğulayıb.
Vilayəti bildirib ki, dünyada baş verən İslami oyanış 2 ölkə arasında münasibətlərin daha da yaxınlaşmasına xidmət edəcəkdir.
Görüş zamanı İlqar İbrahimoğlu bildirib ki, inancımızın dəyərləri, eləcə də İslamın intibahı prosesi Azərbaycan xalqı üçün ən mühüm mövzulardandır.
Hacı İlqar İbrahimoğlu görüş zamanı xüsusi vurğulayıb ki, Azərbaycan inanclılarının Qarabağ məsələsində İran İslam Cümhuriyyətindən ciddi gözləntiləri vardır. Hacı İlqar İbrahimoğlu Vilayətinin diqqətinə çatdırıb ki, artıq 20 ildir müsəlman torpağı olan Qarabağ işğal altındadır və xalqımızın bütün müsəlman dünyasından bu torpaqların geri qaytarılması istiqamətində ciddi səy göstərməsi ilə bağlı gözləntisi vardır.

10 İyul, 2012  00:25 Baxılıb: 1561 Çap

Bu bölmədə


Bizi izləyin!
Xəbər lenti

4 Dekabr, 2016  17:40





8 Oktyabr, 2016  19:40



4 Oktyabr, 2016  20:49






24 Sentyabr, 2016  19:54