"İranın Ali dini lideri Ayətullah Seyid Əli Xamneyinin Azərbaycanda təhqir olunması barədə deyilən iddiaların heç bir əsası yoxdur"

Bunu Milli Məclisin deputatı, Yeni Azərbaycan Partiyasının (YAP) icra katibinin müavini Mübariz Qurbanlı bildirib. O deyib: "Azərbaycan hakimiyyəti və xalqı hər zaman İranın Ali dini liderinin hörmətini saxlayıb. Ayətullah Seyid Əli Xamneyi müsəlman aləmində çox tanınan nüfuzlu şəxs olduğu üçün Azərbaycanda ona böyük hörmət bəslənilir. O milliyətcə azərbaycanlıdır və biz hər zaman bununla fəxr edirik. Ulu öndər Heydər Əliyev də dəfələrlə İranın Ali dini lideri Ayətullah Seyid Əli Xameneyi ilə görüşüb və hər görüşdə Azərbaycan-İran dostluq münasibətlərindən söhbət açılıb”.

Xatırladaq ki, İranın Azərbaycandakı səfirliyi mayın 11-də gənclərin Bakıda keçirdiyi aksiyada Ali Dini lider Ayətulla Xamneyinin təhqir olunduğunu bəyan edib. /SalamNews/