Kuba lideri vurğulayıb ki, Üsamə bin Laden heç vaxt Corc Buşu dəstəksiz qoymayıb

Kubanın keçmiş lideri Fidel Kastro “əl-Qaidə” terror təşkilatının rəhbəri Üsamə bin Ladeni ABŞ Mərkəzi Kəşfiyyat İdarəsinin agenti adlandırıb.

Lent.az-ın “Associated Press” agentliyinə istinadən verdiyi məlumata görə, Fidel Kastro bildirib ki, Üsamə bin Ladeni ABŞ Mərkəzi Kəşfiyyat İdarəsi muzdla tutub və Corc Buşa nə vaxt qorxu yaymaq və təntənəli çıxış etmək lazım olanda, “əl-Qaidə” lideri diqqəti özünə çəkib.

Kuba lideri vurğulayıb ki, Üsamə bin Laden heç vaxt Corc Buşu dəstəksiz qoymayıb. Fidel Kastro “Wikileaks” saytında dərc olunan hərbi sənədlərin də onun versiyasını təsdiqlədiyini dilə gətirib. Ancaq o, həmin sənədlərdəki konkret hansı detalın bunu sübuta yetirdiyini açıqlamayıb.