dini dwkan
RUS   |    AZE

Qafqaz Müsəlmanları İdarəsinin Qazılar Şurası Ramazan ayının başlanması münasibətilə fətva verib

Qafqaz Müsəlmanları İdarəsi

Qafqaz Müsəlmanları İdarəsinin (QMİ) Qazılar Şurası Ramazan ayının başlanması ilə əlaqədar fətva verib.

APA-nın məlumatına görə, bu münasibətlə Qazılar Şurasının iclası keçirilib.

Qeyd olunub ki, Ramazanının ilk günü bu il avqust ayının 11-ə təsadüf edir. Avqustun 10-u orucluğun niyyət gecəsidir. Şəvval hilalının görünməsindən asılı olaraq, Ramazan bayramı sentyabrın 9-u və ya 10-a təsadüf edəcək: “Uca Allah bu mübarək ayda insanlara daha çox savab qazanmaq, günahlarının bağışlanması üçün imkan yaradır, qəlblərində xoş əməllərə meyli artırır, nəfsə və şərə qalib gəlməyin yollarını göstərir”.

Bildirilib ki, QMİ Ramazan orucunu tutanlara kömək məqsədilə xüsusi cədvəl və yaddaş kitabçası hazırlayıb: “Oruc və namaz vaxtlarını ayrı-ayrı qurumlar tərəfindən hazırlanan, təfriqə yaradan cədvəllərə deyil, Şamaxı Astrofizika Rəsədxanası ilə birgə hazırlanan elmə əsaslanan milli-mənəvi birliyə xidmət edən bu cədvələ müvafiq nizamlamağı müsəlmanlara tövsiyə edirik. Cədvələ riayət olunmasının təmini qazılara, yerlərdəki səlahiyyətli nümayəndələrə, Axundlara, imamlara həvalə olunur” .

Qeyd edək ki, QMİ-nin tərtib etdiyi cədvələ əsasən, Qədr gecələri Ramazan ayının 18-dən 19-a, 20-dən 21-ə, 22-dən 23-ə, 24-dən 25-nə və 26-dan 27-ə keçən gecələrə təsadüf edir.

QMİ sədri Allahşükür Paşazadə çıxış edərək bütün xalqın, dindarların Ramazan ayında xeyirli əməllərlə məşğul olmasının vacibliyini vurğulayıb: “Bütün Qarabağ şəhidlərini Allahdan rəhmət diləyirik”.

Şeyx Azərbaycan ordusunun şəhid olan giziri Mübariz İbrahimovu da yad edib: “Həqiqətən onun şücaəti bizim üçün örnək olmalıdır. Ona Allahdan rəhmət diləyirik”.

7 Avqust, 2010  07:56 Baxılıb: 1761 Çap
Teqlər : müsəlman , Ramazan , Qafqaz , Fətva

Bu bölmədə


Bizi izləyin!
Xəbər lenti

4 Dekabr, 2016  17:40





8 Oktyabr, 2016  19:40



4 Oktyabr, 2016  20:49






24 Sentyabr, 2016  19:54